Құрлықтық
хоккей лигасында өнер көрсететін «Барыс»
командасы кезекті кездесуін өткізді. Өз айдынында Тольяттидің «Ладасын»
қабылдаған елордалықтар
0:6 есебімен ойсырай жеңілді. Ойынды өте ширақ бастаған астаналықтар бірінші
кезеңде қарсыластарға қарағанда қақпаға шайбаны көбірек бағыттаған. Бірақ соңғы шепте
қонақтар голкипері сенімді өнер көрсетті. Ал, екінші кезеңде «Лада»
хоккейшілері бас-аяғы 5 минуттың ішінде
3 бірдей шайба соқты. Осыдан соң қақпашы
Павел Полуэктов орнын Дмитрий Мальгинге босатқан еді. Бірақ бұдан да пайда
болмады.
Қонақтар
матч соңына дейін тағы 3 шайба соғып үлгерді. 7 ойын нәтижесіне сай 7 ғана ұпай
жинаған Ерлан Сағымбаев шәкірттері Шығыс конференциясының 10 орнына сырғыды.
Келесі кездесуін «Барыс»
ертең өз айдынында Қазанның «Ақ Барысымен»
өткізеді.
Ерлан
Сағымбаев, «Барыс»
ХК бас жаттықтырушысы:
Өкінішке орай, әр ойында
бестікті ауыстырып отыруымызға тура келуде. Себебі матч сайын негізгі құрамның
хоккейшілері жарақаттанып жатыр. Өткен ойында Талғат жарақат алған. Бүгін Бойд
та осындай жағдайға ұшырады. Әрине, бұл бізді ақтап ала алмайды.