Мемлекет
басшысы Нұрсұлтан Назарбаев жұмыс сапарымен Атырау облысына келді. Бұл туралы Ақорданың баспасөз қызметі хабарлайды. Сапар барысында өңірдің
бірқатар кәсіпорындарын аралау, сондай-ақ Атырау, Ақтөбе, Маңғыстау және Батыс
Қазақстан облыстары әкімдерінің қатысуымен кеңес өткізу жоспарланыпты.
Ал Атырауда Президенттің келуіне орай қала көшелерін тазалау жұмыстары қауырт
жүрді, - деп хабарлайды жергілікта басылымдар. Қаныш Сәтбаев даңғылындағы
кейбір аумақтарға жаңа көгалдар төселген. Сондай-ақ, орталық көшелердегі
қоқыстар тазаланып, арамшөптер жапатармағай оталған. Оған қоса негізгі көлік
жүретін көшелердегі жаяу жүргіншілердің ала сызығы мен арнайы жол белгілері
қайта сырланған. Бұл қауырт жұмыстар қас қарайғанша жалғасқан. Ал ол өз кезегінде
көшедегі көлік қозғалысына қолайсыздық тудырыпты.
Т. ОСПАНБАЕВА