Орта
салмақта IBO, WBO және WBC нұсқасы
бойынша әлем чемпионы қазақстандық кәсіпқой боксшы Геннадий Головкин «Евроспорт» жүргізген «Бокс тарихындағы ең үздік спортшы» деген сауалнамасында
көш бастап келеді.
Отандасымыздан бөлек бұл тізімде аты аңызға айналған
Мұхаммед Әли, Майк Тайсон, кіші Флойд Мэйвезер, Мэнни Пакьяо сынды былғары
қолғап шеберлері бар. Сауалнаманың
қорытындысы бойынша, 20 мың дауыс
жинаған Гена сенімді түрде бірінші орында, ал екінші - 8 мың жақтаспен Мұхаммед
Әли, үздік үштікті 7 мың ұпаймен Майк Тайсон түйіндеп тұр.
Кәсіпқой рингте 33
кездесу өткізген Головкин әлі күнге дейін жеңілмеген. Келесі жекпе-жегін
отандасымыз 17 қазан күні Нью-Йоркте канадалық Дэвид Лемьеге қарсы өткізеді.