ҚР Қорғаныс вице-министрі Бағдат
Майкеев ірі көлемде пара алу үстінде қолға түсті. Әзірге пара құны белгісіз. Бұл туралы "Қазтаг" агенттігі Бас
прокуратурадағы дерекшіге сілтеме жасай хабарлады.
Осы ақпаратқа сүйенсек, генерал-майор
Бағдат Майкеев жексенбі күні ұсталған. Дерекшінің
хабарлауынша, ол құқық қорғау органдары үшін әлдеқашан сезікті болған. Вице-министрдің
ұсталғанын ақпарат агенттігіне Қорғаныс министрлігінің өкілі де растап отыр.
Бағдат Әбдіқадырұлы Майкеев 2011 жылдан
бері Қорғаныс вице-министрі қызметін атқарды. Бұған дейін ол Қазақстан Республикасы
Қарулы Күштер материалдық-техникалық қамтамасыз ету Бас басқармасының басшысы,
Қорғаныс министрлігі Алқасының хатшысы, аппарат басшысы қызметтерін атқарған.
Сымбат МОЛДАТАЙ