«Like Kazakhstan In Sochi» халықаралық онлайн фото жарысының жеңімпаздары анықталды. Сочи Олимпиадасына қолдау танытқан азаматтар Астанада марапатталды. Онлайн акция «Қазақстан- 2050» жалпыұлттық қозғалысының қолдауымен өткізілген. Оған әлемнің 60 мемлекетінен сан түрлі ұлт өкілдері қатысты. Акция басталғалы бері Қазақстан спортшыларын қолдаған әрбір азаматтың суреті Фейсбук әлеуметтік желісінде жарияланып тұрды. Ұйымдастырушылар бүгінге дейін бұл парақшаны 40 мың адамның қарап шыққанын мақтанышпен айтуда. «Лайк» белгісін ең көп жинаған 10 фотоның авторы жеңімпаз атанып, бағалы сыйлықтар және сертификатпен марапатталды.
Данат Жумин, «Қазақстан- 2050» жалпыұлттық қозғалысы қоғамының жетекшісі:
Акцияның басты ерекшелігі - түрлі ұлт өкілдерін біріктіре білуінде. Олардың
жасы да әртүрлі. Жаңаөзен қаласының кішкентай тұрғындары мен Тараздың
мүмкіндігі шектеулі азаматтары бұл акцияда белсенділік танытты. Польшаның
Люблян қаласындағы балалар үйі мен 88 жастағы әже де үлес қосты. Алғысымыз
шексіз.
Сымбат МОЛДАТАЙ