Елбасы Нұрсұлтан Назарбаев
Украинадағы ахуал жөнінде Халықаралық консультативтік кеңес мүшелерімен пікір
алмасты. Бұл туралы Ақорданың баспасөз қызметі хабарлады. Кездесуге Австрия
Республикасының экс-федералды канцлері Альфред Гузенбауэр, Польшаның
экс-президенті Александр Квасьневский, Еурокомиссияның экс-төрағасы әрі Италия
премьер-министрі Романо Проди қатысты.
Әңгімелесу барысында сондай-ақ Қазақстанның экономикалық әлеуетін одан әрі іске асырудың негізгі бағыты
талқыланды. Біздегі халықаралық бастамаларды жүзеге асыру барысы мен
«ЭКСПО-2017» көрмесін өткізуге дайындық жайы сөз болды. Мемлекет басшысы
Қазақстан үшін қызығушылық тудыратын халықаралық аренадағы өзекті мәселелерді
Кеңес мүшелерімен тұрақты талқылау маңызды екенін атап өтті.
Ләйлә ҚАЗИЯҚПАРОВА