Нұрсұлтан Назарбаев бүгін Ұлттық банк төрағасы Қайрат Келімбетовті
қабылдады. Кездесу барысында еліміздің қаржы саласы мен банк жүйесінің
жай-күйі талқыланды, сондай-ақ халықаралық қаржы нарығындағы ахуал қаралды.
Өз
кезегінде Қайрат Келімбетов 2014 жылдың ақпан айында Ұлттық банктің жалпы
халықаралық резервтері 26 миллиард долларға дейін, яғни 6,1%-ға ұлғайғанын
хабарлады. Жалпы, елдің халықаралық резервтері ұлттық қордың шетелдік
валютадағы активтерін қосқанда 2,1%-ға өсіп, 97,6 миллиард долларға жеткен.
Кездесу қорытындысында Нұрсұлтан Назарбаев әлемдегі соңғы оқиғаларға орай
сыртқы ахуалдың отандық экономикаға ықпалын ұдайы талдап, мониторинг жүргізуді
тапсырды.
Нұрсұлтан Назарбаев, Қазақстан Республикасының Президенті:
Біз қазір батыстың айтқанына құлақ асуымыз керек. Біз Кеден одағымен тығыз
байланыстамыз. Ресей және Белоруссиямен. Сондықтан қауіп-қатер, шығынды бақылап
отыру қажет. Барлық жағдайларды саралап, талдап отыру маңызды.
Жұрағат БАМАН