Оралда өгей қызын зорлаған әке 11
жылға сотталды. Батыс Қазақстан облысының,
Зеленов ауданы, Чиров ауылында тұратын ерлі-зайыптылар бұл қызды 2012-шы жылы
патронатты тәрбиеге алып, бауырына басқан екен.
Сот отырысы жабық жағдайда өтті.
2013-жылы оқуға түскен қыз кейін өзін асырап алған ата-анасының Орал
қаласындағы пәтерінде тұрады. Сот залында
оқылған деректерге сенсек, сол кезде отағасы өгейлігін таныта бастапты.
Қаладағы пәтерде екеуінің оңаша қалғанын пайдаланған өгей әке қорғансыз қызға
күш көрсетіпті.
Ерлі-зайыптыларға заңмен бекітілген
ата-аналық құқын дұрыс атқармағаны үшін 5 АЕК көлемінде айып салынды. Ал кінәсін мойындаған отағасы өз жазасын темір тордың ар
жағында өтейтін болады.
Айжан Қабылова, БҚО сотының баспасөз хатшысы:
Сот айыпталушыны ҚР ҚК 120-бабы 3-бөлімімен кінәлі деп танып, 11 жылға бас
бостандығынан айырды. Сотталушы жазасын қатаң
режимдегі колонияда өтемек.
Еркін ҚАРИН