АҚШ-тың Арканзас, Айова және Оклахома
штаттарында соққан құйын салдарынан қаза болғандар саны 18-ге жетті. АҚШ метеорологиялық қызметі осындай мәлімет таратты. Он
сегіз адамның он алтысы - Арканзас штатының тұрғындары.
Жергілікті теларналар дауылдан кейінгі
кадрларды көрсетіп жатыр. Желдің күшті болғаны сонша, қалада көліктер допша
домалап, ғимараттардың талқаны шыққан. Ағаштар
тамырмен жұлынып, кейбір үйлердің орыны тып-тыйпыл.
Куәгерлердің айтуынша, Велония қаласының
орталығы жермен жексен болған. Дүлей дауылдан
қалааралық тас жолдар жабық. Әзірге шығын көлемі есептелген жоқ. Бірақ оның
миллиондаған доллардан асатыны белгілі.
Мөлдір БАҚЫТ-ҚЫЗЫ