Ресей маусымның бірінен өз жеріндегі
американдық GPS станцияларының жұмысын тоқтатпақ. Бұл қадамға «ГЛОНАСС» жер станцияларын АҚШ территориясында
орналастыру туралы келісімге қол жеткізбесе баруға дайын. Бұл туралы Ресей
Үкіметінің вице-премьері Дмитрий Рогозин журналистерге берген сұхбатында айтты.
Ресей-америка тараптарының 31-мамырға
дейін өзара келісімге келулеріне уақыт бар. Сондай-ақ, Рогозин Ресейдің
Халықаралық ғарыш станциясын пайдаланудан бас тартатынын мәлімдеп, қыр көрсетті.
«Өйткені, Ресей өз қорын басқа да келешегі зор
ғарыш жобаларына жұмсамақ», - деп
мәлімдеді.
Оның айтуынша, Ресей мен АҚШ
халықаралық ғарыш станциясына байланысты бір-біріне тәуелді. Бұл АҚШ көзқарасы. Өйткені, олардың астронавтарды орбитаға
жеткізу мүмкіндіктері шектеулі.
Дмитрий Рогозин, РФ Үкіметінің вице-премьері:
Біздің ғарыш агенттігі мен Ғылым академиясы Ресей космонавтикасының
дамуының келешегі зор деп таниды. Сондықтан, бізге аталмыш станция тек 2020-жылға дейін ғана қажет деп санаймыз.