«EXPO-2017» көрмесінің алғашқы қазығы маусым айында қағылады. Бұл
туралы «Астана EXPO-2017» Ұлттық Компаниясы басқарма төрағасының кеңесшісі Қанағат Тілемісов мәлімдеді.
«Бекітілген кестеге сәйкес, «Қазақстан-Астана»
ұлттық павильонының құрылысы маусым айында басталады. Ал халықаралық тақырыптық павильондардың құрылысын
бастау тамыз айына жоспарланған. Құрылыстың белсенді кезеңі 2015-2016 жылдарға
сәйкес келеді. Көрме кешенінің құрылысы жоспар бойынша 2016 жылдың
желтоқсанында толықтай аяқталуы тиіс.
Қанағат Тілемісов, «Астана EXPO-2017» Ұлттық Компаниясы» АҚ басқарма төрағасының
кеңесшісі:
Бүгінгі күні жүріп
жатқан жұмыстардың ең негізгісі, бұл мына геологиялық, инженерлік
бағдарламалар. Және де өздеріңіз білетіндей құрылыстың негізгі қажетті
құжаттарын дайындап, соны сараптамадан өткізіп жатырмыз.
Жұрағат БАМАН