Мысыр соты елдің экс-президенті Хосни
Мүбаракты 3 жылға қамау туралы үкім кесті. Бұрынғы президент бюджет қаражатын
оңды-солды жұмсап, тіпті өзі иемденіп алған. Сондай-ақ, оның екі ұлы Гамал мен
Алааның да жемқорлық әрекеттерге қатысы бар болып шықты.
Сот олардың әрқайсысын төрт жылға бас
бостандығынан айыруға үкім шығарды. Олар бас-аяғы 125 миллион египеттік фунтты меншіктеп алған. Бұл шамамен 18 миллион доллар.
Бұл қаражат мемлекет басшысының сарайын жөндеуге қазынадан бөлінген.
Алайда, ақша мемлекет басшысының
резиденциясын жөндеу үшін емес, экс-президенттің отбасы мүшелерінің
жеке-жайлары мен кеңселерінің құрылысына және дизайнына жұмсалған.
Илхам ИБРАГИМ