Сібірден Қытайға. Келесі жылы Шығыс Қазақстан өңірінде
өтетін Алтай фестиваліне қатысушы туристік топ бүгін Өскеменге табан тіреді.
Қазақстан, Моңғолия, Ресей және Қытайды біріктіретін бірегей шара Ұлан Батырдан
басталды.
Мақсат - Алтай өлкесіне неғұрлым көп турист
тарту. Ұйымдастырушылар Алтай тауларының сыры мен сұлулығын жан-жақты
насихаттауды көздейді. Аймақтың жазығы мен ну орманын, қорғандар мен суларын
жаяу, атпен және көлікпен саяхатшыларға аралатуды жоспарлап отыр.
Сондай-ақ, көпшілікті Алтайдың
тарихымен таныстырып, балық аулау, тауға өрмелеу мен дельтопланмен ұшу
сайыстары ұйымдастырылады. Қазір бағыт картасы
жоспарланып жатыр. Бастаманы «Алтай - біздің ортақ үйіміз» халықаралық қоғамдық
бірлестігі қолдаған. Фестивальге қатысуға миллиондаған азамат қызығушылық
танытуда.
Антон Сергеев, Алтай жастар туристік
қауымдастығының төрағасы (Ресей):
Бұндай іс-шараның әлемде баламасы жоқ. Алтай тауларында өтетін фестиваль
Алтай ойындарынан да асып түседі, деп сенеміз.
Азамат АЛДОҢҒАРОВ