Алғашқы
әскери дайындық пәні сыныбынан 5 бірдей мылтық жоғалды. Оқиға Батыс Қазақстан
облысы Теректі ауданындағы мектептердің бірінде болған. Мұны мектеп
директорының орынбасары Гүлнәр Мырзағалиева растады және қарулардың әлі күнге
табылмағанын айтты. Айта өтейік, қару-жарақ 5 қарашада жоғалған екен. «Бірақ
бұл жөнінде енді ғана белгілі болып отыр», - деп жазады
«Мой город» порталы.
Жоғалған мылтықтар алғашқы әскери дайындық пәні мұғаліміне
тиесілі болған. «Ол
мұны оқушыларға көрсету үшін алып келген, қару сол жерден ұрланған», - деді Теректі ауданы әкімінің орынбасары Алтай
Тужанов. Қазір жоғалған қаруларды іздеумен жергілікті ішкі істер бөлімінің
полицейлері айналысып жатыр. Бұл оқиғаға қатысты қосымша ақпараттарды алдағы
шығарылымдарда айтатын боламыз.
Илхам ИБРАХИМ