Қарағанды
облысында полицейлердің өліміне соқтырған екі жол апаты бойынша қылмыстық істер
қозғалды. Қазір тергеу амалдары жүргізіліп жатыр.
Еске салайық, өткен демалыс
күндері аймақта жол көлік оқиғалары салдарынан 3 бірдей тәртіп сақшысы қаза
тапты. Аймақтың ішкі істер департаментінің хабарлауынша, Балқаш-Қарағанды тас жолында BMW көлігін жүргізіп келе жатқан
полицей рульге ие бола алмай, жол жиегіне ұшып кеткен. Қасындағы жолаушысы - жол патруль полициясының қызметкері көз
жұмды. Ал екінші апат Қарағанды-Ботақара тас жолында болды. ВАЗ көлігін
жүргізуші - Бұқар жырау аудандық ішкі істер басқармасының қызметкері - көктайғақта жолдың қарсы бағытына шығып кетіп, «Фольксваген-Пассатпен»
соқтығысып, қасындағы
жолаушы-полицеймен бірге қаза тапқан.
Бақытжан Құдияров, Қарағанды облыстық
ішкі істер департаменті мемлекеттік тіл және ақпарат басқармасының басшысы:
Жол-көлік оқиғасы барысында
Бұқар жырау ауданының 2 полиция қызметкері қаза болды. Қылмыстық іс қозғалды.
Тиісті сараптамалар тағайындалып, тергеу амалдары жүргізілуде.
Айжан ҚУАШ