Қазақстанның
егемен ел атанғанына 23 жыл толуына орай айтылған Елбасының «Тәуелсіздік
толғауы» - келешек ұрпаққа жүктелген айтулы аманат. Ұлы мереке қарсаңында Мемлекет басшысы айтқан ел бірлігі мен татулықты ту еткен сөздер қоғамға ой
салып, отандастарымыздың рухын көтерді.
Нұрсұлтан
Назарбаев, Қазақстан Республикасының Президенті:
Тәуелсіздік - сан буын бабалардың, қасиетті жеріміздің әрбір қадамын қорғау үшін төгілген
өлшеусіз қаны мен терінің өтеуі. Тәуелсіздік - кешегі батыр бабалар өсиет
еткендей, қазақстандық қасық қаны қалғанша қорғау жөніндегі әрбір азаматтың
қайсар шешімі болып табылады.
Азаттық
жолындағы жанкешті қадамдарымыз ақталды. Ол бүгінгі ұрпақтың «Мәңгілік ел»
идеясының айналасына бірігуі. Ұлт
көшбасшысы Нұрсұлтан Назарбаевтың «Тәуелсіздік толғауы» отандастарымыздың кеудесінде азаттықтың асқақ рухын күшейте түспек.
Нұрсұлтан
Назарбаев, Қазақстан Республикасының Президенті:
Тәуелсіздік толғауы ұрпақтың
жадында жаңғырып, тәуелсіз рухы әрбір азаматтың жүрегінде тербелсін, Мәңгілік
еліміздің мәртебесі биік болсын, азаттық рухы асқақ болсын, көк байрағымыз
көгімізде желбірей берсін, Қазақстанның жұлдызы жоғары, жолы нұрлы болсын.
Азамат АЛДОҢҒАРОВ