«Жеңіске құрмет». Астанада Ұлы жеңістің 70
жылдығына арналған республикалық акция-марафон басталды. Қарулы күштер Жоғарғы
қолбасшысы Нұрсұлтан Назарбаевтың бастамасымен ұйымдастырылған акция аясында
Жеңіс жалауы 7 әскери бөлімшеде болып, республикамызды түгел аралап қайтады.
Бүгін Астанада 36-шы десанттық-шабуылдаушы бригаданың жеке құрамы салтанатты
сап түзеп, Жеңіс жалауын сәтті сапарға шығарып салды.
Жұмабек Хасенов, ҚР Қарулы күштері
құрлық әскері Бас қолбасшысының орынбасары:
Ардагерге деген сипатымызды
көрсетіп, осындай акцияны бастадық. Бұл акция 8 гарнизонда өтеді, қазір
Қарағанды, Семей, Қапшағай, Отар, Ақтау, Алматы. 15 қаңтар күні Қорғаныс
министрі бастап, Ұлы жеңістің вымпелын біздің жас сарбаздарымыз Нұрмағамбетов
атындағы «Жас Ұлан» мектебінің балаларына тапсырады.
Салтанатты
сапта жас жауынгерлер батыр буын ардагерлердің алдында әскери дайындықтарын паш
етті. Жиыннан соң дәстүр бойынша ардагерлер әскери дастарханнан дәм татты. Тоқсанға таяған Ахат ақсақал майданға 19 жастағы жігіт шағында
аттанғанын еске алды.
Ахат Бекмәди, Отан соғысының ардагері:
Қазақ халқы - жауынгер халық,
соның рухы, соның жеңісі, қарт Бөгенбайдың, сол сияқты батырларымыздың рухы
әрқашан жастарымызды қолдасын.
Азамат АЛДОҢҒАРОВ