Байқоңыр ғарыш
айлағында 2015 жылғы алғашқы ұшырылымға дайындық жұмыстары басталды. Бұл
жөнінде КазТАГ ақпарат таратуда. Бүгінде Ресейдегі ғарыш орталықтарының
мамандары «Протон-М» зымыран тасығышын биылғы жылғы алғашқы ұшырылымға дайындап
жатыр. Аталған зымыран тасығыштың көкке көтерілуі 30-қаңтарға жоспарланған.
Мұнан бөлек, ғарыш
айлағында 17- ақпанда ұшырылады деп жоспарланған «Союз-У» зымыран тасығышын
әзірлеу шаралары да жүргізілуде. Айта кетейік, 2015 жылы Байқоңыр ғарыш
айлағында 25 ұшырылым жүзеге асады деп жоспарланған. Оның 11-і "Протон
М" зымыран тасығышы.
Базаркүл ОТЫНШИЕВА