Қазақстан президенттігіне
кандидат Нұрсұлтан Назарбаевтың республикалық қорғамдық штабы мүшелері астықты
өңірге ат басын бұрды. Белсенділер Қостанай облысында сайлаушылармен кездесіп,
Нұрсұлтан Назарбаевты қолдау аясында өткен форумға қатысты.
Соңғы жылдары Қостанай ең астықты
аймақ атағынан бөлек, еліміздің автокөлік құрастыру "астанасына"
айналды деуге болады. «Қазақстанда жасалған» деген таңбасы бар, күллі әлем
мойындаған Тойота мен Пежо көліктері осында шығарылады. Облыстағы
кәсіпорындарға былтыр шамамен 200 млрд теңгеге жуық шетелдік қаржы тартылған.
Аймақтағы жаңа инвестициялық жобалардың бірі - «ЕвразКаспианСталь» зауыты. Жүздеген
адамды жұмыспен қамтып отырған серіктестік металл өңдеумен айналысады.
Қобылан Тұяқов, зауыт қызметкері:
Біз жұмыс істеу, лайықты табыс
табу, баларымызды тәрбилеп, болашаққа сеніммен қарай алатынымызға қуаныштымы.
Бұл Елбасының саясатының арқасы.
Осылайша, өңірде жаңа және
тұрақты жұмыс орындары ашылып, әлеуметтік жағдайдың жақсарғаны қостанайлықтарды
қуантады. Тұрғындар тұрақтылық пен бірлікті қалайды. Сондықтан Нұрсұлтан
Назарбаевқа дауыс бермек ниетте.
Алмат Оразов, Рудный қаласының
тұрғыны:
Елбасы үнемі жастарға қолдау
білдіріп келеді. Жастар жан-жақты білім алып, спортпен айналысуға барлық
мүмкіндіктер жасалған.
Нұрсұлтан Назарбаевты қолдаушылар
бас қосып, ауқымды форум өткізді. Олар кемел келешек үшін дауыс беруге үндейді.
Мұхтар Құл-Мұхаммед, ҚР Президенттігіне кандидат Н.Назарбаевтың республикалық қоғамдық штабы жетекшісі:
Ол еліміздің қамқор басшысы.Ол
Қазақстандағы тұрақтылық пен береке бірліктің символы. Ендеше тек Елбасымен
бірге болашаққа барайық, бауырлар!
Мөлдір БАҚЫТҚЫЗЫ