Теннистен Австралия ашық чемпионаты жалғасуда. Қазақстанның намысын
қорғап жатқан Зарина Дияс пен Ярослава Шведова екінші кезеңге жолдама алды. Ал
алғашқы айналымда сүрінген Юлия Путинцева, Михаил Кукушкин және Андрей Голубев
дәрежелі жарыспен қош айтысты.
Австралия
ашық чемпионатының бас жүлдесінен дәмелі сербиялық Новак Джокович алғашқы сыннан
сүрінбей өтті. Бірінші кезеңде әлемнің бірінші ракеткасы Словения спортшысы
Аляж Беденемен жолықты. Кездесу басынан мықты соққылармен ерекшеленіп,
қорғаныста қателікке бой алдырмаған Джоковия қарсыласын уақытынан бұрын
жарыстан ығыстырды.
Келесі
ойында Швейцария спортшысы Стэн Вавринка Түркия тенннисшісі Марсель Илханды
сынақтан өткізді. Бірінші сетте 6-1 есебімен үздік шыққан швейцариялық қалған
уақытта да алған бетінен қайтпай, қатарынан үш сетте басым түсті.
Әйелдер
бәсекесінде фавориттер әзірге қатарда. Беларусь теннисшісі Виктория Азаренко
бірінші кезеңде АҚШ спортшысы Слоун Стивенспен ракетка түйістірді. Кезінде
атақты Серена Уильямстің алдын орап кеткен Стивенс бұл жолы Азаренкоға еш
қарсылық көрсете алмады. Қорытынды есеп
6-3, 6-2.
Футболдан
Азия кубогы жолындағы жарыс жалғасуда. «С» тобында 3-ші тур ойындары
болып өтті. Бұл сында Қатар құрамасы Бахрейн командасын қабылдап, 2-1 есебімен
ұтылып қалды. Бұл ойындағы алғашқы голды Ейд Мерджанның шәкірттері соқты.
Голдың авторы - Саид.
Қарымта
шабуылға шыққан Джамад Белмадидің шәкірттері үзілістен кейін есепті еселеді.
Айып соққысын шебер орындаған Хасан Халид мүлт кетпеді. Бірақ Қатар
футболшыларының қуанышы көпке созылмады. Кездесудің аяқталуына санаулы минуттар
қалғанда сәтті шабуыл ұйымдастырған Бахрейн құрамасы есепті еселеді. Бұл сәтте
алыстан мықты соққы жасаған Саид Ахмет команда қоржынына үш ұпайды салып
берді.
Самат ҚАНАҒАТОВ