Колумбия астанасы Богота қаласында теннистен халықаралық турнир жалғасуда.
Дәрежелі жарыста сынға түсіп жатқан Қазақстан теннисшісі Ярослава Шведова ширек
финалға жолдама алды. Екінші кезеңде отандасымыз АҚШ спортшысы Николь Гиббсті
екі сетте ұтты. Енді Шведова Пуэрто-Рика өкілі Моника Пюигпен жартылай финал
жолдамасын сарапқа салады. Спорт жаңалықтарын Самат Қанағатов жалғастырады.
Елодалық «Барыс» клубының басшылығы
соңғы төрт айда ойыншыларға жалақы төлемеген. Бұл ақпаратты «Чемпионат» сайты құрлықтық хоккей
лигасына қарасты хоккейшілер кәсіподағының басшысы Андрей Коваленкоға сілтеме
жасап таратты. Коваленконың сөзіне қарағанда, "Қазіргі уақытта екі клуб
басты назарда. Олар "Сочи" және "Барыс" командалары. Екі
клубтың басшылары соңғы төрт айда ойыншылардың жалақысын төлемеген. Егер мамыр
айына дейін ойыншылар алдындағы қарыз толық өтелмесе, аталған ұжымдар келесі
маусым жарыстарынан тыс қалады",-деді. «Барыс» командасы плей-офф ойындарының алғашқы сынынан аса
алмады. Артынан іле-шала клуб президенті Нұрлан Оразбаев қызметінен кетті. «Барыс» командасы ойыншыларының
басым бөлігі Қазақстан құрамасында өнер көрсетеді. Қазіргі уақытта хоккейшілер
Польшада өтетін әлем чемпионатына жол жүріп кетті.
Монако патшалығында теннистен халықаралық турнир жалғасуда. Дәрежелі
жарыста сынға түсіп жатқан Рафаэль Надаль ширек финалға жолдама алды. Үшінші
кезеңде испаниялық АҚШ спортшысы Джон Изнермен ракетка түйістірді. Бірінші
сетте сауатты ойнымен көзге түскен Пиреней Түбегінің өкілі 7-6 есебімен басым
түсті. Үзілістен кейін тез жиналған Изнер ұпай санын арттырды. Өз кезегінде
жеңіске ерте сенді ме, әлде қарсыласын бағаламады ма, әйтеуір, алаңда сылбыр
қимылдаған Рафаэль Надаль 6-4 есебімен ұтылып қалды. Дегенмен, керек кезде тез
жиналатын Испания спортшысы шешуші сетте бірқалыпты өнер көрсетті. Сәт сайын
ұпай санын арттырып, алаңда ширақ қимылдаған Надаль 6-3 есебімен үздік шықты.
Самат ҚАНАҒАТОВ