Елордалық
«Барыс» командасы плей-офф жолдамасынан тыс қалуы мүмкін. Сырт алаңда
Башқұртстанның «Салават Юлаев» клубына қонаққа барған Андрей Назаровтың
шәкірттері 5-4 есебімен ұтылды.
Кездесу
барысында қазақстандық хоккейшілер екі мәрте таразы басын теңестірген, бірақ
негізгі уақыттың аяқталуына санаулы секундтар қалғанда, Олег Сапрыкин жеңіс
шайбасын соғып, жанкүйерлер қошеметіне
бөленді. Бұл сәтсіздігінен кейін «Барыс» командасы турнир кестесінің 9-шы
сатысына түсіп қалды.
Ал плей-офф ойындарына тек алғашқы 8 команда қатысатынын
ескерсек, Андрей Назаровтың шәкірттеріне ендігі төрт кездесуде міндетті түрде
жеңіске жету қажет. Қалған ойындарда астаналық хоккейшілер «Сочи», Рига
қаласының «Динамо», «Ақ Барс» және Омбы қаласының «Авангард» клубтарымен өзара
мықтыны анықтайды. Еске салайық, соңғы жеті жыл ішінде «Барыс» командасы жыл
сайын плей-офф жолдамасын иеленіп жүр.