Шымкентке қыс қайта оралды. Кеше кештен басталған жауынның арты қарға
ұласты. Әлі тоқтаусыз жауып тұр. Ақ ұлпаның қалыңдығы қазір 12 -13 см-ге жетіп
қалды. Ақпан айы биыл жылы болғандықтан, жеңіл киімге көшіп үлгерген тұрғындар
қысқы киімін қайта шығаруда.
Мекемелердің ауласында қар күреп жатқандар да бар.
Синоптиктер облыс орталығында тап қазір ауа-райы -2 градусты көрсетіп тұрғанын
айтады. Түнде -4,- 6 градус суық болады деп күтілуде.
Ауа-райын болжаушылар,
биылғы наурыз жылдағымен салыстырғанда салқын болады дейді. Оңтүстік
Қазақстанда ертең де қар жаууы ықтимал.
Мақсат Төленгітов, «Қазгидромет» РМК ОҚО инженер-синоптигі:
Бүгін салқын ағыммен келген қар сақталып, ауа
температурасы түнде 0, -5, кей жерлерде -8, -13 аязға, күндіз 0, -5 кей
жерлерде -3 градус аязға дейін төмендеу сақталады.12,13-ші наурыз аралығында
ауа температурасы біршама көтеріліп, бірақ 14-17-сі аралығында солтүстік батыстан жылжитын салқын ауаның салдарынан ауа-температурасы қайта төмендеп,
таулы аудандарда қар жауады деп күтілуде.
Айзада ТӨРЕБЕКҚЫЗЫ