Президенттікке
кандидат Әбілғазы Құсайыновтың өңірлердегі сайлауалды штабтарының үгіт-насихат
жұмыстары қарқын алды. Үміткердің Қызылорда мен Оралдағы сенімді өкілдері
белгіленген орындарда билбордтар іліп, үгіт-насихат парақшаларын таратып жатыр.
Айта өтейік, кандидаттың Қызылорда облыстық штабында 11 адам бар. Ал Батыс
Қазақстан облысындағы сайлауалды штабта 16 адам жұмыс істейді. Олардың он екісі
аудандарда, төртеуі қалада шоғырланған.
Айта өтейік, үміткердің өзі қазір Қызылорда өңірінің жұртшылығын
сайлауалды тұғырнамасы тетіктерімен таныстыруда.
Қазақстан
Президенттігіне кандидат Әбілғазы Құсайынов Сыр өңіріне сапары барысында
жергілікті медициналық колледж ұжымымен жүздесті. Кездесуде сайлауалды бағдарламасының басым бағыттарын
түсіндірді. Үміткер бағдарламасында көтерілген басты бағыт - медицина саласы мамандарына таңсық емес.
Олар да табиғи экожүйенің бүлінуі түптеп келгенде адам денсаулығының
нашарлауына әкеліп соқтыратынынан хабардар.
Әбілғазы
Құсайынов, Қазақстан Республикасы Президенттігіне кандидат:
Адам
мен табиғат әрекеттестігінің өз ерекшеліктері бар. Адамға сана берілді, сол
арқылы ол табиғатта алатын орнын түсініп, Жер шарындағы өз міндетін айқындауға
мүмкіндік алды.
«Өкінішке
орай, қазіргі уақытта адам экожүйенің басқыншыл элементі болып табылады», - дейді
Құсайынов. «Жасыл саясат» атты тұғырнамасында да ол, Жер атты ортақ
құндылығымыздың экологиялық
ахуалын сауықтырудың бірден бір жолы - табиғаттың тепе теңдігін сақтауға бүкіл
әлем болып жұмыла кірісу керек екеніне назар аударды. Айта өтейік, кандидаттың
сайлаушылармен кездесуіне халықаралық байқаушылар да қатысты. Олар сайлауалды
шараның өту барысын жіті қадағалауда.
Қайрат
Жанұзақ, ҚР Президенттігіне кандидат Ә.Құсайыновтың облыстық сайлауалды штабы
мүшесі:
Кандидат
Қызылордада бірнеше кездесу өткізді. Алдағы уақытта кандидат Қазақстанның
бірқатар аймақтарын аралап, сайлаушылармен кездесіп, сайлауалды тұғырнамасының
негізгі бағыттарын жеткізеді.
Қазақстан
Президенттігіне үміткер Әбілғазы Құсайынов кездесу барысында сайлаушылардың
сауалдарына жауап берді. Келешек медицина мамандарын тұғырнаманың басты
бағыттары қызықтырғаны да анық. Айта
өтейік, бүгінгі таңда кандидаттың Қызылорда облысындағы штабы екі үлкен билборд
іліп, 2 мыңға жуық сайлауалды үгіт-насихат парақшаларын таратты.
Жандос
Тұсмағамбетов, ҚР Президенттігіне кандидат Ә.Құсайыновтың Қызылорда облыстық
сайлауалды штабы жетекшісі:
Қазір
біздер осы қалада белгіленген орындарда облыс бойынша арнайы үгіт-насихат
парақшаларын іліп жатырмыз. Сонымен қатар белгіленген орындарға арнайы біздер
билбордтарды іліп жатырмыз. Қазіргі кезде барлық заң талаптарын сақтай отырып,
барлық үгіт-насихат жұмыстары облыс бойынша өткізіліп жатыр.
Әбілғазы
Құсайыновтың сайлауалды үгіт-насихат жұмыстарына арналған сапары өзге өңірлерде
де жалғасады.
Ләйлә ҚАЗИЯҚПАРОВА