Бүкіләлемдік
бокс сериясында сынға түсіп жатқан «Астана Арландары»
командасы кезекті жеңісін тойлады. Маусым басынан ұтылып көрмеген Марат
Жәкиевтің шәкірттері бұл жолы «Пуэрто Рико
Харрикейнс»
клубын 4-1 есебімен айналып өтті. Бұл қазақстандық ұжымның биылғы маусымдағы
12-ші жеңісі. Спорт жаңалықтарын Самат Қанағатов жалғастырады.
Велоспорттан
«Париж-Рубэ»
біркүндігі мәресіне жетті. Әлемнің үздік командалары қатысқан жарыста бақ
сынаған Германия спортшысы Джон Дегенкольб жеңіске жетті. 253 шақырымнан
тұратын жарыс жолын «Жиан Альпечин»
командасының өкілі 5 сағат 49 минутта бағындырды. Жеңімпазбен бір уақыт
көрсеткен чехиялық Зденек Штыбар екінші орынды иеленсе, үшінші сатыны «БМС»
командасының спортшысы бельгиялық Грег Ван Авермат еншіледі. «Астана» командасының спортшысы Лоарс Бом үздік үштікке сәл ұтылып, төртінші орынға
қанағат тұтты. Қазақстандық командасының қалған спортшыларына келсек. Борут
Божич 14-шы сатыдан көрінсе, Дмитрий Груздев жеңімпазға 3 минуттан артық уақыт
ұтылып, мәре сызығын 43-ші болып кесті.
Футболдан
Голландия чемпионатының 30-шы тур ойындары болып өтті. Бұл сында «Хераклес» командасына қонаққа барған «Аякс»
клубы 2-0 есебімен басым түсті. Кездесу басында алаң иелерінің шабуылын тотара
білген қонақтар бірінші кезеңнің соңғы минутында есеп ашты. Әріптесінің айып
алаңынан орындаған соққысын қақпашы қайтарғанымен, допқа бірінші жеткен Колбейн
Сигторсон командасын алға шығарды.
Бұл
голдан кейін шабыттанған Франк де Бурдың шәкірттері үзілістен кейін есепті
еселеді. Бұл сәтте алыстан мықты соққы жасаған Лукас Андресен мүлт кетпеді. Бұл
жетістігінен кейін 66 ұпай жинаған «Аякс»
командасы өзін өкшелеп келе жатқан «Фейенорд»
клубынан 8 ұпайға ұзап кетті.
Самат ҚАНАҒАТОВ