Бүгін қазақстандықтар
қалай дауыс берді? Бірқатар өңірлердегі сайлау барысына көз жүгіртсек. Маңғыстауда шалғай жатқан
заставалар мен теңіз шекарашылары дауыс берді. Бүгін Ақтау теңіз портына
«Сақшы» және «Тараз» кемелері аялдады. Олар қатарынан 5 күнді ашық теңізде
өткізген. Кемелерде сайлау учаскілері жоқ болғандықтан, Жағалау күзеті аймақтық
басқармасында орналасқан учаскілерге келіп, азаматтық парызын атқарды. Ал, Каспий
теңізінің солтүстік аумағында кемелерде кезекшілік етіп жүргендер Баутино
кентінде дауыс берген. 2 201 сайлау учаскесіне шекарашы әскерилер саппен келіп,
әскери тәртіппен тиянақты түрде дауыс берді.
Cабыржан Әбдиев, байқаушы:
Таңғы алтыдан бастап осы сайлау жәшігі бекітілігеннен бері комиссия болып
осы жерде қадағалап отырмыз. Ешқандай
заң бұзушылықтар болған жоқ.
Ләйлә
ҚАЗИАҚПАРОВА