Мемлекет басшысы Нұрсұлтан Назарбаев халықаралық байқаушылармен кездесті.
Бұл туралы Ақорданың баспасөз қызметінен хабарлады. Елбасы халықаралық
байқаушыларға Қазақстан Республикасы Президентінің сайлауына қызығушылық
танытқандары үшін алғыс білдірді. Сондай-ақ, сайлаушылардың саяси белсенділігі
мен билікке деген сенімінің артып келе жатқанын атап өтті.
Нұрсұлтан Назарбаев, Қазақстан Республикасының президенті:
Я хотел бы поблагодарить вас искренно за ваше участие, приезд и за оценки
которые вы дадите надеюсь обьективно, благодарю вас.
«Соңғы 5 жылда елдегі сайлаушылар саны жарты миллионнан астам адамға
ұлғайды. Сайлау барысына мониторинг жасау және оны жариялы түрде көрсету ісін
байқаушылар, соның ішінде халықаралық ұйымдардың өкілдері мен шетелдік журналистер
қамтамасыз етті. Сайлау қорытындысы бойынша халықтың абсолюттік қолдауы
Қазақстанның алдына мен қойып отырған міндеттерді жүзеге асыру үшін теңдессіз
мандат береді», - деді Нұрсұлтан Назарбаев.
Сондай-ақ, Президент мемлекетіміз, халық қолдаған қазіргі бағытын
жалғастыра беретінін айтты. Ал шет елдік
байқаушылар сайлаудың ашық әрі заң талаптарына сай өткізілгенін айрықша атады.
Мөлдір ДЮСЕКИНА