Нұрсұлтан Назарбаевты сайлаудағы жеңісімен
алғашқылардың бірі болып Ресей Федерациясының және Беларусь
Республикасының президенттері, Қытай төрағасы
және Әбу-Даби әмірлігінің мұрагер ханзадасы құттықтады. Құттықтау жеделхатында Владимир Путин, дауыс беру
нәтижелері Нұрсұлтан Назарбаевтың Қазақстан азаматтары арасындағы жоғары
беделін растап отырғанын атап өтті.
Қытай Халық Республикасының төрағасы Си Цзиньпин де Нұрсұлтан Назарбаевты
қайта сайлануымен құттықтап, екі елдің бір-біріне сенетін және өзара
ықпалдасатын шынайы және жақсы көрші, дос әрі әріптес екенін атап өтті.
Әбу-Даби әмірлігінің мұрагер ханзадасы Мұхаммед бен Заид Аль Нахаян да
Елбасын сенімді жеңісімен құттықтап, екі жақты сауда-экономикалық,
инвестициялық, мәдени-гуманитарлық ынтымақтастықтың нығая түсеріне сенім
білдірді.
Сондай-ақ, Александр Лукашенкомен Нұрсұлтан Назарбаев телефон арқылы
тілдесті. Беларусь президенті әріптесін сайлаудағы жеңісімен құттықтап, екіжақты ынтымақтастықтың кең ауқымды
мәселелерін сөз етті.
Айта өтейік, шет мемлекеттер
басшылары тарапынан құттықтаулар легі әлі де жалғасып жатыр.
Ләззат ҚАЗИАҚПАРОВА