Астанада
сирия оппозициясы өкілдерінің келіссөзі басталды, - деп Сыртқы істер
министрлігінің ресми сайты ақпар таратты. Келіссөздер 27 мамырға дейін
жалғасатыны хабарланды. Қазір әлем назары Таяу Шығыстағы оқиғаларда. Сириядағы
жағдай ушығып барады, сондықтан оны
реттеу үшін өзгеше әрекеттер қажет. Қазақстан БҰҰ қамқорлығымен диалог пен
ымыра жолдары арқылы Сирия еліндегі зорлық пен қантөгісті жедел тоқтату
мақсатын көздейді.
Еске салайық, бұған дейін Сирияның оппозициялық күштер тобы
Қазақстанға Сирия дағдарысын реттеу мәселесі бойынша келіссөздерде делдал
болуға өтініш білдірген. Өз кезегінде Қазақстан диалог алаңын ұсыну
жайлы шешім қабылдады және келіссөздердің сәтті өтуі үшін қажетті жағдай
жасады. Сыртқы істер министрлігі дерегінше, келіссөз жабық есік форматында өтіп
жатыр.
Базаргүл ОТЫНШИЕВА