Харриет
Томпсон есімді америкалық азаматша марафонға қатысқан ең қарт әйел атанды. Ол
92 жасында 42 шақырым жүгіріп өтті - деп жазады Рейтерс. Марафон Калифорния
штатының Сан-Диего қаласында ұйымдастырылған. Харриет Томпсон қашықтықты 24
минут 36 секундта бағындырған. Жалпы қария жүгіріске қатысуды дәстүрге
айналдырыпты. Бұл оның 16- марафоны. Өзінің айтуынша, ол туысқандарына спорттық
карьерасын тәмамдауға бірнеше рет уәде берген. Десе де, Томпсон өзінің спортқа
деген құлшынысын доғара алмайтынын жасырмады. Әжейдің мамандығы, негізі
- пианист. Ол жүгіріс кезінде ескі музыкалық композицияларды тыңдайтынын, соның
арқасында қанаттанып, марафонды аяғына дейін жеткізетінін айтады. Айта
кетерлігі, Сан-Диегодағы биылғы марафонға әлемнің 43 елінен 25 мыңға жуық адам
қатысқан. Бұдан бұрынғы рекордты да 92 жастағы зейнеткер орнатқан болатын.
Жұрағат БАМАН