Лондондағы терактіден көз
жұмғандардың саны 4 адамға жетті. "Рейтерс" агенттігінің хабарлауынша, жарақат
алғандардың бірі ауруханада көз жұмған.
Жалпы терактіден 30-ға жуық адам зардап
шеккен еді. Қазір құзырлы орындар түбегейлі тексеріс үстінде. Британиялық
полицейлер осы іске қатысы болуы мүмкін деген тағы да екі күдіктіні қолға
түсірді. Скотленд-Ярд ақпаратынша, қазір тергеудегілердің саны 9 адамға жеткен.
Естеріңізге салсам, оқиға сәрсенбі күні Лондон қаласындағы вестминистер
көпірінде болған еді. Көлік тізгіндеген лаңкес көшедегі адамдардың бір тобымен
3 бірдей полицейді қағып-соғып, артынша Британия парламенті ғимаратының алдында
полицейге пышақпен ұмтылып, палатаға кірмек болады. Қылмыскердің діттегені
орындалмай, ол сол жерде жергілікті полицейлер атқан оққа ұшқан еді.
Дәуренбек БАҚДӘУЛЕТ