Еуропалық одақ Қазақстанның
Дүниежүзілік сауда ұйымына кіруі бойынша келіссөздер аяқталғанын оң бағалайды.
Бұл туралы Одақ таратқан мәлімдемеде хабарланды,-деп жазады Қазақпарат.
«Еуропалық одақ ұзақ жылдық мақсаттарға қол жеткізуде маңызды рөлге ие болды,
енді ДСҰ-ның Бас кеңесі бұл шешімді саяси жағынан бірауыздан мақұлдайтынына
сенім артады», - деп атап өтілген ЕО хабарламасында. Бұл Қазақстанның жан-жақты
сауда жүйесінің толыққанды мүшесі ретінде алдағы желтоқсанда өтетін ДСҰ
министрлер конференциясына қатысуына мүмкіндік беретіні де атап өтілген.
«Қазақстанның ДСҰ-ға кіруі екі жақты экономикалық ынтымақтастық жағынан да
маңызды болып табылады», - делінген Еуроодақ мәлімдемесінде.
Базаргүл ОТЫНШИЕВА