Шетелге бармай-ақ еуропалық деңгейде ем алуға болатын медициналық нысандардың маңызы зор. Бүгін Ақтөбеге жұмыс сапарымен барған Президент осылай,-деді. Нұрсұлтан Назарбаев мемлекеттік-жекеменшік әріптестік негізінде салынған «Дару жарығы» офтальмологиялық орталығын аралады. Жоба құны-3,2 миллиард теңге. Емхана күніне 500 адамды қабылдай алады. Президент онда көзге ота жасауға арналған заманауи медициналық құрал-жабдықтармен танысты. Бұдан бөлек, Президентке Астана қаласында салынатын алғашқы медициналық оңалту орталығының макеті таныстырылды. Мемлекет басшысы балаларды оңалтуға арналған «Аяла» орталығына да барды. Сал ауруымен ауыратын балаларға арналған оңалту бағдарламаларымен танысты.
А. Бектас