Жыл сайын «Форбс» рейтингісінде «Amazon» негізін қалаушы Джеф Безос көш бастайды. Ол бір жылда 19 млрд доллар табыс тапқан. Осылайша дәулеті 131 млрд доллардан асып түсіпті. «Microsoft» -ты құрған Билл Гейтс екінші орында. Оның табысы 96,5 млрд долларды құраған. Ал, қаржыгер Уоррен Баффет үшінші орында қалды. Дәулеті 82,5 млрд долларға жеткен. Сән-салтанатты заттар сататын компания иесі Бернард Арно тізімде төртінші. Ал, бестікте Меасикадағы ең бай адам саналатын Карлос Слим. Ол «New York Times» басылымын иемденушілердің бірі. Ал, «Facebook» акцияларының құлдырауынан табысы 9 млрд долларға кеміп қалған Марк Цукерберг 5-ші орыннан 8-ші орынға төмендеп қалды. Ал, миллиардерлердің ішіндегі ең жасы- Кайли Дженнер. 21 жастағы америкалық модельдің косметикалық бизнестегі табысы 1 млрд долларға жеткен.
Г. Меңдеева