Энергетика
министрі осы айдың аяғына дейін келетін АИ-92 маркалы импорттық бензин ғана
тапшылықты жоятынын айтады. Ал келер аптадан бастап жоғары октанды АИ-95
бензині нарыққа шығарылмақ. Қанат Бозымбаевтың бұл сөзін Тенгриньюс хабарлады.
Модернизациядан өткен Павлодар мұнай өңдеу зауыты бүгін іске кіріскен. 3 күннен
соң толық қуатта жұмыс істеп, өндірісті
арттырмақ. Қарашада тұтыну көлемі 270-280 мың тоннаны құраса, біразын отандық
мұнай өңдеу зауыттарының өнімімен жабылмақ. Бұған дейін АИ-92 жанармайының
тапшылығын жою үшін АИ-95 маркалы бензин өндірісі азайтылған еді.