Ақмола облысындағы өзен-көлдерде балық саны көбейді. Қоянды, Вячеслав су қоймалары мен Қарасу өзенінің ескі арнасына 200 мыңнан аса шабақтар жіберілді. Игілікті іске Астана қалалық әкімдігіне қарасты Жаснұр өндірістік-шаруашылық кәсіпорны бастамашы болған. Шабақтардың салмағы 180-200 грамды құрайды. Мамандар, келесі жылы оның мөлшері 1 келіге дейін жетеді, деп отыр
Анатолий Боровик, қорықшы:
Ірі балықтарды жіберген себебіміз, бұл жергілікті су жәндіктерінің қанын ауыстыру үшін маңызды. Сондықтан 3 жыл сайын осы шараларды қайталап тұрған жөн.
Жарылқасын Әбдікерімов, «Жас нұр» шаруашылық кәсіпорны табиғатты қорғау бөлімінің басшысы:
Бұл балықтар арнайы питомникте өсірілген. Өзі кәдімгідей құжаттармен, Ауыл шаруашылық минстрлігінің құжаттарында көрсетілген. Қағидаға сай комиссиямен толтырылып жіберіледі.
410
гектар алқапты құрайтын Қоянды су қоймасына жыл сайын 9 млн-ға дейін балық қосылып тұрады. Мұнда көксерке, көкшұбар,
алабұға сияқты балықтардың 10-ға тарта түрі бар. Олардың қатарына мөңке, ақ
амур, тұқы балықтары қосылды. Су жәндіктері ерекше қорғауға алынған. Биыл
Ақмола облысы бойынша 400-дей браконьерлік фактісі тіркелген. Қазір Елорда маңындағы 15 жағажайдың үшеуі ғана
заңдастырылған екен. Табиғи ресурстар және табиғат пайдалануды реттеу
басқармасының қолға алуымен келесі жылы қосымша жағажайлар салу жоспарланып отыр.