Қостанай облысындағы Арқалық қаласында қызылша жұқтырған 29 адам ауруханаға жатқызылды. Олардың дені педагогикалық институттың студенттері. Науқастардың барлығы қаладағы өңірлік аурухананың инфекциялық бөліміне оқшауланып, тиісті ем-шаралар тағайындалған. Науқастардың жағдайы бірқалыпты, дерттің ауыр белгілері байқалмайды,-дейді дәрігерлер. Облыста бұған дейін қызылша дерті соңғы рет былтыр жазда тіркелген.
Сәуле НҰРПЕЙІСОВА, ОБЛЫСТЫҚ ТАУАРЛАР МЕН ҚЫЗМЕТТЕРДІҢ САПАСЫ ЖӘНЕ ҚАУІПСІЗДІГІН БАҚЫЛАУ ДЕПАРТАМЕНТІНІҢ БАСПАСӨЗ ХАТШЫСЫ:
Арқалық қаласы колледждері мен ЖОО студенттері арасында қатынаста болғандарға вакцинацияны регламенттеу мен эпидемияға қарсы іс-шараларды өткізу туралы Қостанай облысының бас мемлекеттік санитарлық дәрігерінің қаулысы шықты. Бүгінгі күні 698 қатынаста болған адам егілді.
З. Санай