Қызылордалық белсенді жастар көпшілікті велосипедпен жүруге шақырады. Осы мақсатта жасотандықтар веломарафон ұйымдастырды. Оған кәсіби велошабандоздармен бірге әуесқой спортшылар да қатысты. Шамамен 30-ға жуық қатысушы қаладағы «Сыр-Ана» монументі жанынан бастап, он бес шақырым қашықтықты велосипедпен жүріп өтті. Мақсат- салауатты өмір салтын насихаттау, әрі бос уақытты тиімді пайдалану.
Әлішер КАРДАШОВ, "NUR OTAN" ПАРТИЯСЫ ҚЫЗЫЛОРДА ОБЛЫСЫНДАҒЫ «JAS OTAN» ЖҚ ТӨРАҒАСЫ:
Негізгі мақсат экологиялық таза велосипедті халық арасында насихаттау. Және де жастардың спортқа деген қызығушылығын арттыру, салауатты өмір салтын қалыптастыру болып табылады.
Ердос АХМЕТЖАН, ВЕЛОМАРАФОНҒА ҚАТЫСУШЫ:
Велоспорттың пайдасы ол аяқ шығырын, барлық жері, адамның сүйегінің бәрі қатаяды. Жалпы, пайдалы спорт. Адамның кеудесінің барлығы ашылады.
М. Тоқтасынқызы