Алматыда 4 миллиард теңгеге жуық бюджет қаржысын қолды қылған қылмыстық топ мүшелері сотталды.
Экономикалық тергеу департаментінің дерегінше, топ құрамында бұрынғы қаржы полицейі және банк қызметкерімен бірге 6 адам болған. Олар екі жыл бойы заңсыз компаниялар арқылы мемлекет қаржысын талан-таражға салған. Топтың бұл әрекеті былтыр әшкере болып, құрықталған. Сот үкімімен кінәлілерге тиісті жаза тағайындалды.
Жақсылық МЫРЗАХАН, АЛМАТЫ қ. ЭКОНОМИКАЛЫҚ ТЕРГЕУ ДЕПАРТАМЕНТІНІҢ РЕСМИ ӨКІЛІ:
Аталған қылмысты жасаған азаматтар соттың үкімімен кінәлі деп танылып, әр түрлі мерзімге бас бостандығынан айырылған болатын. Жалпы Қылмыстық іс шеңберінде тәркіленген мүліктері мемлекеттің меншігіне өндірілді.
Ә. Лесбек