Қазақстан елімізде тыйым салынған "Талибан" радикал қозғалысын мойындаған жоқ. Ауғанстандағы ахуал мұқият бақылауға алынған. Сыртқы істер министрінің орынбасары Ақан Рахметуллин тәліптермен арадағы дипломатиялық байланыс туралы осылай деді. Ол БҰҰ-ның аз ұлттар мен әйелдердің құқығын құрметтеу, басқа мемлекеттерге қауіп төндіретін топтардың болуына жол бермеу туралы мәлімдемесін қолдаймыз,-деді. Сондай-ақ бұл ережелерді орындау Ауғанстанның жаңа үкіметімен жасалатын келіссөздердің бастауы болуы мүмкін екенін айтты.
Ақан РАХМЕТУЛЛИН, ҚР СЫРТҚЫ ІСТЕР МИНИСТРІНІҢ ОРЫНБАСАРЫ:
Біз бұл елдегі ахуалды мұқият бақылап отырмыз. Көп жылдық тәжірибе ауғанстандықтарда бейбіт процесс жүргізудің басқа баламасы жоқ екенін көрсетті. Қандай да бір елдер Талибанмен дипломатиялық қарым-қатынас орнатты деуге әлі ерте.
Министрдің орынбасары Кабулдағы елшіліктің қазіргі жағдайына да тоқталды. Оның айтуынша, Талибан өкілдері Қазақстан елшілігінің жұмыс істеуіне кедергі келтірмейді. Оларды қорғауға уәде берген.
Ғ. Өтемісов