Келер жылға республикалық бюджеттен әлеуметтік міндеттемеге 4 трлн теңге қарастырылған. Бұл туралы Еңбек және халықты әлеуметтік қорғау министрлігі мәлімдеді. Оның ішінде зейнетақы мен барлық әлеуметтік жәрдемақылардың мөлшерін көбейтуге 190 млрд теңге көзделіп отыр. Ынтымақты зейнетақы мөлшері 7%-ға, ал базалық зейнетақы мен әлеуметтік жәрдемақы 5%-ға көбейеді. Сондай-ақ, ең төменгі күнкөріс деңгейі өседі, ол атаулы әлеуметтік көмек алатын 900 мыңнан астам адамның кіріс деңгейіне оң әсер етпек. Келер жылдың 1 қаңтарынан бастап ең төменгі күнкөріс мөлшері 36 018 теңге, ал айлық есептік көрсеткіш – 3 063 теңге болады.
А. Базарбай