Қаңтар оқиғасы кезінде ұрланған 22 қару Жамбыл облысынан табылды. Сонымен қатар 800 -ге жуық түрлі калибрлі патрон тәркіленді. Табылған қаруларға сот-баллистикалық сараптама тағайындалды. Сондай-ақ, жедел іздестіру шаралары барысында Жаңатас қаласындағы бір үйде жасырылған қару-жарақ табылған. Оның жаппай тәртіпсіздіктер кезінде облыстық Полиция департаменті қоймасынан ұрланғаны анықталды.
Асхат ӘЛМЕТОВ, САРЫСУ АУДАНДЫҚ ПОЛИЦИЯ БӨЛІМІНІҢ БАСТЫҒЫ:
Осы қылмысқа тағы 2 тұлғаның қатыстылығы анықталды. Аталған дерек бойынша ҚР ҚК 287-бабының 3-бөлігімен сотқа дейінгі тергеу басталып, сотпен бір күдіктіге қатысты «үй-қамақ» және екі күдіктіге «күзетпен ұстау» түріндегі бұлтартпау шаралары қолданылды.
Б. Жұмабайұлы