Талдықорғанда 31 жастағы ер адамнан 8 мың доза синтетикалық есірткі табылды. Полицейлер күдіктіні Восточный шағынауданында қолға түсірген. Ол мефедронның бірнеше дозасын саудалау үстінде ұсталды. Сондай-ақ, арнайы операция барысында оның тұрғылықты жерінен заңсыз қару-жарақ пен 20-дан аса оқ-дәрі табылды. Ер адам есірткі саудасын интернет арқылы да жүргізген көрінеді. Күдікті қазір уақытша ұстау изоляторында. Соталды тергеу жүріп жатыр. Күдіктінің өзге де қылмыстарға қатысы бар-жоғы жіті тексеріледі.
А. Съезбек