Бұқаралық
ақпарат құралдары қызметінің сапасын арттыру керек. Бүгін Нұрсұлтан Назарбаев
таяуда құрылған Ақпарат және коммуникациялар министрлігінің басшысы Дәурен
Абаевты қабылдады. Министр есебіне қарағанда, қазір ведомствоның қалыптасу
кезеңі аяқталып, енді нақты міндеттерді орындау қызметі басталып жатыр екен.
БАҚ-тің міндеті ең алдымен халыққа пайда тигізу екенін айтқан Елбасы, Дәурен
Абаевқа бірқатар тапсырмалар жүктеді. Мәселен, министрлік мемлекеттік
ақпараттық саясатты одан әрі ілгерілетуі, оның тиімді тетіктерін енгізуі және
телекоммуникациялық инфрақұрылымды жетілдіруі тиіс.
Нұрсұлтан
Назарбаев, Қазақстан Республикасының Президенті:
Қазақстанның
барлық ақпарат құралдарының жалпы дәрежесін көтеру керек. Министрліктің
құрылған негізі - сол. Дүниежүзілік БАҚ, Ресейді көріп тұрсыңдар ғой, ел үшін
жұмыс істеп, патриотизмді көтеріп, халық ішіндегі тыныштықты сақтап, уақытысында
ақпарат беріп, ішкі жағдайда соны сақтау керек. Көп жұмыс тұр алдыңда.
Құралай ПИОНЕР