Ұлттық банк бүгіннен бастап базалық мөлшерлемені 14 процент деңгейінде сақтайды. Мұндай шешімге айлық инфляцияның сәуірде 2, мамырда 1,4 процентке дейін баяулауы негіз болған. Әрі жылдық мәнде 19 процентке жеткен азық-түлік өнімдері бағасының өсуі де әсер еткен. Бұл туралы Ұлттық банк төрағасы Ғалымжан Пірматов мәлімдеді. Оның айтуынша, елдегі макроэкономикалық ахуалдың бұдан кейінгі дамуына қатысты болжам да жаңарды. Төраға ішкі-сыртқы азық-түлік нарығындағы баға динамикасы тамақ өнімдерінің барынша қымбаттайтынын көрсетеді, - дейді.
Ғалымжан ПІРМАТОВ, ҚР ҰЛТТЫҚ БАНКІНІҢ ТӨРАҒАСЫ:
Азық-түлікке жатпайтын инфляция импортты тауарлардың қымбаттауына байланысты 11,9%-ға дейін жылдамдады. Реттелетін коммуналдық қызметтер бағасының өсуіне енгізілген мораторийдің тежеуші әсеріне қарамастан, ақылы қызметтердің инфляциясы 9,1%-ға дейін өсті. Биылғы жылдың қорытындысы бойынша біз инфляцияны 13-15 пайыз деңгейінде болжамдап отырмыз.
А. Съезбек