Қазақстанда ғылыми-техникалық қызмет нәтижелерін коммерцияландыру жобаларын гранттық қаржыландыруға конкурс жүріп жатыр. Жобалар "Денсаулық сақтау", "Сапалы білім беру", "Цифрландыру", "Экология" секторларын қамтиды. «Ғылым қоры» акционерлік қоғамының қолдауымен қазақстандық ғалымдар жел генераторларын жасаған. Генератор дауылға, мұздануға және төмен температураға төзімді. Қазақстандағы жел генераторын шығаратын жалғыз кәсіпорын Қырғызстан, Өзбекстан, Ресей Федерациясы және Индонезияға өнім экспорттап үлгерген.
Жанболат МҰЗБАЕВ, ЖОБА ЖЕТЕКШІСІ:
2018 жылы біз түрлі көлемдегі жел генераторларын жасап шығару үшін конкурстан ұтып алған едік. Біздің тұтынушыларымыз – ол шаруа қожалықтары, үлкен фермалар. Қазір өнімдерімізді басқа мемлекеттерге экспорттау жайында келіссөздер жүргізіп жатырмыз. Ғылым қоры бізге үлкен қолдау білдіруде.
М. Жақан