«AMANAT» партиясы «Жастар Рухы» жастар қанатының кезектен тыс VI Съезі аяқталды. Жастар форумының соңғы күні партияның Атқарушы хатшысы Асхат Оралов төрт күн бойы белсенді жұмыс істегені үшін барлық делегаттарға алғыс айтып, естелік сертификаттар табыстады. Сондай-ақ ол «Жастар Рухы» Қазақстандағы 100 мыңнан астам белсенді жасты біріктіретінін, оның 90%-ы ауыл-аймақтан екенін атап өтті.
Асхат ОРАЛОВ, “AMANAT” ПАРТИЯСЫНЫҢ АТҚАРУШЫ ХАТШЫСЫ:
Мемлекет басшысы Қ.Тоқаев делегаттарға жолдаған үндеуінде атап өткендей, отанға қажет және пайдалы болуға ұмтылу әр жас адамның мақсаты болуға тиіс. Жалынды жастар рухы айналасында қазіргі күннің өзінде еліміздің жүз мыңнан астам жас азаматы топтасты. Олардың 90 пайызы -өңірлердегі белсенділер.Осы жастар қанатының съезі ұл-қыздардың бірлігі мен ынтымағын айқындады. Жастар рухы жастар үшін толыққанды әлеуметтік лифт боларына кәміл сенеміз.
Ақмола облысынан делегат боп съезге қатысқан Зарина Қайыржанның айтуынша, шара тиісті деңгейден де жоғары ұйымдастырылған. Белсенді жастар барынша тың идеяларды ортаға салды дейді.
Зарина ҚАЙЫРЖАН, СЪЕЗД ДЕЛЕГАТЫ:
Қазақстанның түкпір-түкпірінен өте дарынды, интелектуалды жастар келді.+Олар осы елдімекенде бастарын қосып, осы жерде бір команда болып өздерінің тәжірибелерімен алмасты. Көптеген ұсыныстар, ойлар берді. Ол осы бір елдімекенде күшті бір энергия берді деуге болады. Осы съезд максималды, жақсы түрде өтті.
Б. Сатуов