Алматы облысында жаяу жүргіншілерге арналған жолдан өтіп бара жатқан 12 жасар баланы көлік қағып кетті. Ауыр жарақаттанған жасөспірім сол жерде көз жұмды. Ішкі істер министрлігінің мәліметінше, биыл кәмелет жасқа толмаған 215 бала күре жолда жан тапсырған. 3200-і жарақат алған. Дабыл қағарлық статистика! Қайғылы жағдайға жол бермес үшін не істеу керек? Жүгенсіз жүргізушіні қайтеміз?
Жеңіл автокөліктің жүргізушісі - 34 жастағы әйел. Ол жаяу жүргіншілер жолағын кесіп өтіп бара жатқан 12-дегі жасөспірімді қағып кетті. Куәгерлер дереу жедел жәрдем шақырған. Алайда, ауыр жарақаттанған бала сол жерде көз жұмды. Ал жүргізуші қамауға алынды.
Ләззат ЖАМАЛШИЕВА, КУӘГЕР:
Мен жүгіріп шығып бардым, бала ол кезде тірі болатын. Жедел жәрдем келгенше баланың сыз, батпақты жерде жатқаннан кейін аяқ-қолын орап, балаға қарап тұрдым. Қатты қан кетіп, баланың қолы көтеріліп, судорога берді. Скорый келіп, фельдшер тексерді де, «бала дүние салды»,- деп айтты.
Барлық жүргізуші «жолда байқап жүру» керек екенін жақсы біледі. Бірақ, біле тұра, жол жүру ережесін бұзып, жылдамдықты асырады. Мәселен, осы аумақ та- қауіпті. Мектептің жаны. Мұнда жолақ арнайы белгінің болғанымен жүйіткіген жүргізушілердің тоқтай қоюы екіталай. Сондықтан, жол бойында жүрген ойын баласының опат болуы оп-оңай.
Жыл сайын шамамен 13 мың жол көлік оқиғасы болады. 2 мыңнан астам адам қаза табады. Әсіресе, балалар жиі зардап шегеді. Биыл 10 айда 215 бала жол апатынан көз жұмды. «Жол белгісі мен арнайы жолақ, бағдаршам орнату ісі өңірлерде дұрыс жүргізілмейді» дейді ішкі істер министрі.
Марат АХМЕТЖАНОВ, ҚР ІШКІ ІСТЕР МИНИСТРІ:
Республика бойынша қажеттілігі 2 млн метр. Оларды орнату жұмыстары Алматы, Жетісу облыстары және Шымкент қаласында нашар жүргізіліп жатыр. Жалпы ел бойынша қиылыстарда 1200 бағдаршам, 1600 керек санақ таблосы, 25 мың жол бергісі, 1 млн км-ге жол таңбасын ортату қажет.
Биыл 20 мың жүргізуші көлік басқару құқығынан айырылды. Оның 16 мыңы әкімшілік қамауға алынса, қалғаны айыппұл арқалалаған. Алайда жүгенсіз жүргізушілерге бұл да тосқауыл болмай тұр.
КӘМЕЛЕТ ЖАСҚА ТОЛМАҒАН БАЛАЛАРДЫҢ ҚАТЫСУЫМЕН БОЛҒАН ЖОЛ-КӨЛІК ОҚИҒАЛАРЫ:
2019 жылы:
жол апаты - 3539
жарақат алды – 4076
қаза тапты - 245
2020 жылы:
жол апаты -2668
жарақат алды – 2956
қаза тапты – 184
2021 жылы:
жол апаты – 2856
жарақат алды - 3237
қаза тапты - 197
2022 жылдың 10 айында:
жарақат алды - 3257
қаза тапты - 215
Р. Бақытжанқызы