Президенттікке кандидат Жигули Дайрабаев Атырау облысына барды. Сайлаушылармен кездесіп, қоғамдағы өзекті мәселелерді талқылады. Ал кандидаттың сенімді өкілі Николай Арсютин Солтүстік Қазақстан облысын аралауда.
Жигули Дайрабаев пен партияластары сайлауалды үгіт-насихат жұмыстарымен Атырау облысы Индер ауданының тұрғындарымен жүздесті. Жергілікті агроөнеркәсіп саласын дамыту мәселелерін талқылады.
Қадіржан АРЫСТАН, «АУЫЛ» ПАРТИЯСЫ ОБЛЫСТЫҚ ФИЛИАЛЫНЫҢ ТӨРАҒАСЫ:
Облыстағы 7 ауданның төртеуі ауылшаруашылықпен айналысады. Яғни егін саласы, мал өсіреді. Бұл өңірдегі ең басты проблема су мәселесі. Жайық өзенінің деңгейі 3 есе түсті.
Ал кандидаттың сенімді өкілі Николай Арсютин Солтүстік Қазақстан облысында жүр. Ол Чапаев ауылындағы сүт-тауар фермасында болды. Өндіріс барысымен танысып, жергілікті мамандармен және ауыл тұрғындарымен кездесті.
Р. Бақытжанқызы