Ақтауда жаңбыр салдарынан аулалар, көшелер мен подъездер су астында қалды. Бұл туралы Stan.kz ақпарат агенттігі Lada.kz сайтына сілтеме жасап хабарлайды.
Қалалық әкімдік "Строй Инвест 2020 компаниясы" ЖШС коммуналдық қызметкерлері зардаптарды жоюмен айналысатынын мәлімдеді.
Ақтау тұрғындары жаңбырдан кейін көшелер суға толғанына шағымданды. Автокөлік жүргізушілері көліктер су соққысын алуы мүмкін деп алаңдауда.
“38-шағын ауданының тұрғындарымыз. Жаңбырдан кейін көше су астында қалды. Арбамен жүру мүмкін емес, жаяу жүргіншілерг де, автокөлік жүргізушілеріне де қиын. Тротуарлар жоқ, шара қолдануды сұраймыз”, –деді "7Qazyna" тұрғын үй кешенінің тұрғыны Талғат.
Қызылтөбе ауылының тұрғындары жаңбырдан кейін көше балшықтан жасалған қоспаға айналғанын айтты.
“Қанша жыл билік бұған назар аудармай отыр. Мұндай жолмен жүру мүмкін емес. Адамдар жаңбыр жауған кезде үйлеріне бара алмайды, судың тереңдігі тобыққа жетеді. Су өткізгіш те, тротуар да жоқ. Неліктен шенеуніктердің әрекетсіздігінен халық зардап шегуі тиіс? Балалар пакет киюге және екінші аяқ киімді алып жүруге мәжбүр. Бұл қалыпты жағдайға айналды", – деп шағымданды ауыл тұрғындары.
13-шағын ауданның тұрғындары су тіпті пәтерлерге жеткенін айтты.
“ЖЭК-ке жүгіндім, бірақ пайда жоқ. Су төбеден өтіп, шелектерге тамшылайды. Пәтеріміз ылғалданып кетті, ал мәселені шешуге ешкім асықпайды", – деді ақтаулық.
Жауын-шашыннан кейін 1-шағын ауданының үйінің біріндегі подъезд су астында қалды.
“Жыл сайын осы. Жаңбыр болса, кіреберістен су ағып кетеді. Басқарушы компанияға бірнеше рет хабарластық, бірақ өзгеріс жоқ. Неліктен коммуналдық қызметтер жауап бермейді, түсініксіз. Қабырғалардың бәрі үнемі су тасқынының кесірінен көгеріп, бояу ағып кетеді, ылғалданған иіс шығады. Электрика орналасқан жер дымқыл", – деді үй тұрғыны.
Ақтау қалалық әкімдігі "Строй Инвест 2020 компаниясы" кәсіпорнының қызметкерлері түні бойы жауын-шашынның салдарын жоюмен айналысқаны туралы хабарлады.
“Көшелерден су айдау үшін 65 адамнан тұратын мобильді бригадалар және 4 мотопомпалар, 1 қазандық және 7 газель жұмылдырылған. Сондай-ақ су айдау жұмыстарына төтенше жағдайлар департаментінің 10 қызметкері, екі өрт сөндіру техникасы және ТЖД екі мотопомпасы тартылды, олар нөсер суын жою жұмыстарына көмекке келді”, - деп хабарлады ведомство.
"Қазгидромет" РМК мамандарының болжамына сәйкес, 19 мамырға дейін Маңғыстауда негізінен жаңбырлы ауа райы болжанды.